“RƏQƏMSAL DÜNYAMIZ – GEO DATA” MÖVZUSUNDA ELMİ-PRAKTİKİ KONFRANS KEÇİRİLİB

23.11.2023

Azərbaycan Respublikası Naxçıvan Muxtar Respublikası Rəqəmsal İnkişaf və Nəqliyyat Nazirliyinin və Daşınmaz Əmlak və Torpaq Məsələləri üzrə Dövlət Xidmətinin birgə təşkilatçılığı ilə “Heydər Əliyev İli” çərçivəsində Naxçıvan Biznes Mərkəzində “Rəqəmsal dünyamız – GEO Data” mövzusunda elmi-praktiki konfrans keçirilib.

Konfransı giriş sözü ilə açan Naxçıvan Muxtar Respublikası Rəqəmsal İnkişaf və Nəqliyyat nazirinin müavini, nazir vəzifəsini müvəqqəti icra edən Rahid Ələkbərli konfransın əhəmiyyətinə toxunaraq vurğulayıb ki, dövrümüzdə coğrafi obyektlərin təsvirinin verilməsi və yaxud onların canlı xəritələrə köçürülməsinin bir sıra üstünlükləri mövcuddur. Hazırlanmış rəqəmsal xəritələrdə muxtar respublikanın inzibati ərazi vahidləri ilə yanaşı bir sıra infrastruktur, kommunikasiya və digər xəritə səviyyələrinin yaradılması və mütəmadi işlənməsi mümkündür. Bu da nəticə etibarı ilə vətəndaşlara keyfiyyətli xidmət göstərilməsi və onların rahatlığının təmin edilməsinə, bu sahədə əhəmiyyətli uğurların qazanılmasına şərait yaradacaqdır.

Ardını oxu »

ÖTƏN AY ŞƏRURDA 130-DAN ARTIQ TEXNİKİ SƏNƏD HAZIRLANIB

22.11.2023

Rayonda daşınmaz əmlak üzərində hüquqların dövlət qeydiyyatına alınması üzrə operativlik, yüksək səviyyədə xidmətin göstərilməsi, rahatlığın təmin edilməsi cari ilin oktyabr ayı ərzində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən diqqətdə saxlanılıb.

Hesabat dövründə idarəyə daxil olan müraciətlər əsasında 22 daşınmaz əmlak obyektinin texniki pasportu hazırlanıb ki, bunların 18-i fərdi yaşayış evinə, 2-si mənzilə, 1-i qeyri-yaşayış binasına, 1-i isə əmlak kompleksi kimi müəssisəyə məxsus olub. Həmçinin, rayon üzrə 109 torpaq sahəsinə dair plan ölçü hazırlanıb. Oktyabr ayında idarə tərəfindən 32 sosial, 44 məhdudiyyət və yüklülüyə dair arayış hazırlanaraq vətəndaşlara təqdim olunub. Texniki sənədlərin hazırlanması zamanı 42 müayinə aktı yazılıb, 3 birləşmə planı hazırlanıb.

Ardını oxu »

OKTYABR AYI ƏRZİNDƏ CULFA RAYONUNDA YETMİŞƏ YAXIN TEXNİKİ SƏNƏD HAZIRLANIB

21.11.2023

Rayon sakinlərinin əmlakla bağlı müraciətlərinin operativ cavablandırılması, daşınmaz əmlaka münasibətdə qanunvericiliyin tələblərinə uyğun daşınmaz əmlakın dövlət reyestrinin aparılması, habelə göstərilən digər xidmətlər Daşınmaz Əmlak və Torpaq Məsələləri üzrə Dövlət Xidmətinin Culfa Rayon İdarəsi tərəfindən cari ilin oktyabr ayında mütəşəkkil qaydada həyata keçirilib. 

Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı qəbul edilən 72 müraciət icra olunub. Həmçinin, məhdudiyyət və yüklülüyə dair 32 arayışın verilməsi ilə əlaqədar qəbul edilən hüquqi sənədlər ilkin olaraq yoxlanılıb və qanunvericiliyə uyğun icra edilib, 6 torpaq sahəsinə dair rəy verilib.

Oktyabr ayında idarə tərəfindən 20 daşınmaz əmlak obyektinin texniki pasportu hazırlanıb, 49 torpaq sahəsinin planı və ölçüsü tərtib edilərək hüquq sahiblərinə təqdim edilib. Texniki sənədlərin hazırlanması məqsədilə əmlaklara yerində baxış keçirilib, 18 müayinə aktı, 4 bölünmə planı tərtib edilərək arxiv sənədlərinə əlavə olunub.

Ardını oxu »

BABƏK RAYONUNDA 132 VƏTƏNDAŞ MÜRACİƏTİ OPERATİV CAVABLANDIRILIB

20.11.2023

Rayon ərazisində torpaqlardan səmərəli istifadə və onların mühafizəsi sahəsində qanunvericiliyin tələblərinə əməl olunması, daşınmaz əmlakın dövlət qeydiyyatının vaxtında aparılması Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən ötən ay qarşıya qoyulan əsas vəzifə kimi yerinə yetirilib.

İdarə tərəfindən oktyabr ayında 20 daşınmaz əmlak obyektinin texniki pasportu hazırlanıb, 105 torpaq sahəsinin planı və ölçüsü tərtib edilib. 18 bölgü planı hazırlanaraq arxiv sənədlərinə əlavə olunub, 19 müayinə aktı yazılıb.

Hesabat ayı üzrə hüquqların dövlət qeydiyyatına alınması və dövlət reyestrindən çıxarışın verilməsi üçün 132 müraciət daxil olub, qəbul edilən sənədlər ilkin mərhələdə yoxlanılaraq qeydiyyata alınıb. Vətəndaşların müraciətlərinə əsasən məhdudiyyət və yüklülüyə dair 13, əmlakın olub-olmamasına dair 8 arayış və 26 rəy verilib.

Ardını oxu »