Mətbuat xidməti
İQTİSADİYYAT NAZİRLİYİ İLƏ LATVİYANIN DÖVLƏT GƏLİRLƏR XİDMƏTİ ARASINDA MEMORANDUM İMZALANIB
17.01.2025
“Azərbaycan Respublikasının İqtisadiyyat Nazirliyi və Latviya Respublikasının Dövlət Gəlirlər Xidməti arasında məlumat mübadiləsi və vergi tələblərinin alınmasında yardım haqqında Anlaşma Memorandumu” imzalanıb.
İqtisadiyyat naziri Mikayıl Cabbarov və Latviyanın Azərbaycandakı səfiri Edqars Skuya arasında görüş keçirilib.
Tərəflər ikitərəfli iqtisadi əlaqələrin inkişafının önəmini vurğulayaraq, yeni əməkdaşlıq imkanlarının müəyyənləşdirilməsi ilə bağlı fikir mübadiləsi aparıblar.
Görüş çərçivəsində “Azərbaycan Respublikasının İqtisadiyyat Nazirliyi və Latviya Respublikasının Dövlət Gəlirlər Xidməti arasında məlumat mübadiləsi və vergi tələblərinin alınmasında yardım haqqında Anlaşma Memorandumu” imzalanıb. Sənəd Azərbaycan və Latviya vergi orqanları arasında məlumat mübadiləsinin daha səmərəli və effektiv təşkili, vergi sahəsində təcrübə mübadiləsi kimi məsələləri nəzərdə tutur.
ASİYA İNFRASTRUKTUR İNVESTİSİYA BANKI İLƏ ƏMƏKDAŞLIQ MÜZAKİRƏ EDİLİB
16.01.2025
İqtisadiyyat Nazirliyində Asiya İnfrastruktur İnvestisiya Bankının baş investisiya direktoru ilə görüşdə infrastruktur, nəqliyyat və enerji layihələri üzrə tərəfdaşlıq imkanları müzakirə edilib.
İqtisadiyyat naziri Mikayıl Cabbarov Asiya İnfrastruktur İnvestisiya Bankının baş investisiya direktoru Konstantin Limitovksi ilə görüşüb.
Görüşdə ölkəmizin Asiya İnfrastruktur İnvestisiya Bankı ilə fəal əməkdaşlıq etdiyi vurğulanıb. Bankın regionda enerji təhlükəsizliyinin gücləndirilməsinə dəstək olduğu və Azərbaycanda yaşıl enerjinin inkişafına töhfə verdiyi qeyd olunub. Bankın üzv ölkələrlə investisiya proqramlarının hazırlanmasında geniş təcrübəyə malik olduğu və əsasən infrastruktur, o cümlədən energetika, nəqliyyat, şəhərsalma, logistika, telekommunikasiya, ətraf mühit və digər sahələrin inkişafına dəstək olduğu bildirilib.
NAXÇIVANDA SAHIBKARLIĞIN İNKIŞAFI FONDU DAHA BIR BANKLA ƏMƏKDAŞLIĞA BAŞLAYIB
15.01.2025
Yanvarın 15-də “Ziraat Bank Azərbaycan”ın Naxçıvan filialının rəsmi açılış mərasimində Sahibkarlığın İnkişafı Fondu ilə “Ziraat Bank Azərbaycan” ASC arasında əməkdaşlıq müqaviləsi imzalanıb.
Müqaviləni “Ziraat Bank Azərbaycan” ASC İdarə Heyətinin üzü Ömər Yılmaz və Naxçıvan Muxtar Respublikası Sahibkarlığın İnkişafı Fondunun İdarə Heyətinin sədri Vüsal Novruzov imzalayıblar.
Müqaviləyə əsasən “Ziraat Bank Azərbaycan” ASC Sahibkarlığın İnkişafı Fondunun güzəştli kreditləri ilə sahibkarlara maliyyələşdirmə imkanları yaradılmasına dəstək olacaqdır.
NAXÇIVANDA ƏMLAK SAHƏSİNDƏ 2024-CÜ İL ÜZRƏ GÖSTƏRİCİLƏR AÇIQLANIB
09.01.2025
Naxçıvanda özəlləşdirmədən daxilolmalar 23,5 faiz artıb
2024-cü ildə Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin xətti ilə dövlət əmlakının özəlləşdirilməsindən daxilolmalar 23,5 faiz artaraq 2,8 milyon manata yaxın olub.
Hesabat dövründə Xidmət tərəfindən 220 dövlət əmlakı özəlləşdirilib ki, bu da 2023-cü illə müqayisədə 39,2 faiz çoxdur.
Naxçıvanda dövlət əmlakının icarəsindən büdcəyə daxilolmalar 87,6 faiz artıb
2024-cü ildə dövlət əmlakının icarəyə verilməsindən muxtar respublika büdcəsinə 538,1 min manat vəsait daxil olub ki, bu da əvvəlkli illə müqayisədə 87,6 faiz çoxdur.
2024-cü ildə daşınmaz dövlət əmlakının icarəyə verilməsi ilə bağlı 147 müqavilə bağlanıb, 171 icarə müqaviləsinin müddəti uzadılıb.
Bugün 
