Mətbuat xidməti
İQTİSADİYYAT NAZİRLİYİNİN KOLLEKTİVİ ŞƏHİDLƏR XİYABANINI ZİYARƏT EDİB
20.01.2025
20 Yanvar faciəsinin 35-ci ildönümü münasibətilə Naxçıvan Muxtar Respublikası İqtisadiyyat Nazirliyinin kollektivi Şəhidlər xiyabanını ziyarət edib.
Vətənimizin suverenliyi və ərazi bütövlüyü uğrunda gedən döyüşlərdə həlak olmuş şəhidlərin əziz xatirəsi yad edilib, məzarları üzərinə gül dəstələri düzülüb.
NAXÇIVANDA NƏQLİYYAT VASİTƏLƏRİNİN HƏRRACI KEÇİRİLİB
17.01.2025
Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Hərracların Təşkili Mərkəzi” publik hüquqi şəxs tərəfindən dövlət mülkiyyətində olan 4 nəqliyyat vasitəsinin özəlləşdirilməsi ilə bağlı hərrac təşkil olunub.
Əmlak Məsələləri Dövlət Xidmətində baş tutan hərrac prosesində 4 nəqliyyat vasitəsi üçün 5 sifariş qəbul olunub.
Hərracda iştirak edən 3 sifarişçi hərracın qalibi olub, 1 nəqliyyat vasitəsi üçün sifariş olmadığından hərrac baş tutmamış hesab edilib.
İQTİSADİYYAT NAZİRLİYİ İLƏ LATVİYANIN DÖVLƏT GƏLİRLƏR XİDMƏTİ ARASINDA MEMORANDUM İMZALANIB
17.01.2025
“Azərbaycan Respublikasının İqtisadiyyat Nazirliyi və Latviya Respublikasının Dövlət Gəlirlər Xidməti arasında məlumat mübadiləsi və vergi tələblərinin alınmasında yardım haqqında Anlaşma Memorandumu” imzalanıb.
İqtisadiyyat naziri Mikayıl Cabbarov və Latviyanın Azərbaycandakı səfiri Edqars Skuya arasında görüş keçirilib.
Tərəflər ikitərəfli iqtisadi əlaqələrin inkişafının önəmini vurğulayaraq, yeni əməkdaşlıq imkanlarının müəyyənləşdirilməsi ilə bağlı fikir mübadiləsi aparıblar.
Görüş çərçivəsində “Azərbaycan Respublikasının İqtisadiyyat Nazirliyi və Latviya Respublikasının Dövlət Gəlirlər Xidməti arasında məlumat mübadiləsi və vergi tələblərinin alınmasında yardım haqqında Anlaşma Memorandumu” imzalanıb. Sənəd Azərbaycan və Latviya vergi orqanları arasında məlumat mübadiləsinin daha səmərəli və effektiv təşkili, vergi sahəsində təcrübə mübadiləsi kimi məsələləri nəzərdə tutur.
ASİYA İNFRASTRUKTUR İNVESTİSİYA BANKI İLƏ ƏMƏKDAŞLIQ MÜZAKİRƏ EDİLİB
16.01.2025
İqtisadiyyat Nazirliyində Asiya İnfrastruktur İnvestisiya Bankının baş investisiya direktoru ilə görüşdə infrastruktur, nəqliyyat və enerji layihələri üzrə tərəfdaşlıq imkanları müzakirə edilib.
İqtisadiyyat naziri Mikayıl Cabbarov Asiya İnfrastruktur İnvestisiya Bankının baş investisiya direktoru Konstantin Limitovksi ilə görüşüb.
Görüşdə ölkəmizin Asiya İnfrastruktur İnvestisiya Bankı ilə fəal əməkdaşlıq etdiyi vurğulanıb. Bankın regionda enerji təhlükəsizliyinin gücləndirilməsinə dəstək olduğu və Azərbaycanda yaşıl enerjinin inkişafına töhfə verdiyi qeyd olunub. Bankın üzv ölkələrlə investisiya proqramlarının hazırlanmasında geniş təcrübəyə malik olduğu və əsasən infrastruktur, o cümlədən energetika, nəqliyyat, şəhərsalma, logistika, telekommunikasiya, ətraf mühit və digər sahələrin inkişafına dəstək olduğu bildirilib.
Bugün 
