SERBİYANIN İQTİSADİYYAT NAZİRİ İLƏ GÖRÜŞ KEÇİRİLİB

05.03.2025

Serbiya ilə iqtisadi-ticarət əlaqələrinin genişləndirilməsi imkanları müzakirə olunub.

İqtisadiyyat naziri Mikayıl Cabbarov Serbiyanın iqtisadiyyat naziri Adriyana Mesaroviç ilə videokonfrans formatında görüşüb.

Görüşdə qarşılıqlı hörmət və etibarlı tərəfdaşlıq prinsiplərinə əsaslanan Azərbaycan-Serbiya münasibətlərinin, siyasi-iqtisadi əlaqələrin inkişaf etdiyi vurğulanıb. Bildirilib ki, ölkələrimiz arasında çoxşaxəli müqavilə-hüquq bazası yaradılıb. Bu, iqtisadi gündəliyimizin genişlənməsinə və potensialımızın reallaşdırılmasına möhkəm zəmin yaradır.

Tərəflər ölkələrimiz arasında birgə fəaliyyətin perspektivləri, ikitərəfli ticarət, investisiya və sənaye sahələrində əməkdaşlığın genişləndirilməsi, həmçinin iqtisadi tərəfdaşlığın gücləndirilməsi imkanları barədə fikir mübadiləsi aparıblar.

Ardını oxu »

NAXÇIVAN MUXTAR RESPUBLİKASININ SAHİBKARLIĞIN İNKİŞAFI FONDU İLƏ MÜVƏKKİL KREDİT TƏŞKİLATLARI ARASINDA GÖRÜŞ KEÇİRİLİB

04.03.2025

Martın 4-də Naxçıvan Muxtar Respublikasının İqtisadiyyat Nazirliyində Sahibkarlığın İnkişafı Fondu ilə müvəkkil kredit təşkilatları arasında görüş keçirilib.

Görüşdə Nazirliyin rəhbərliyi, Sahibkarlığın İnkişafı Fondunun və müvəkkil bankların filial üzrə rəhbər şəxsləri və nümayəndələri iştirak ediblər.

Naxçıvan Muxtar Respublikası iqtisadiyyat nazirinin müavini, nazir vəzifələrini müvəqqəti icra edən Abbas İsmayılov 2024-cü ildə iqtisadi sahədə baş verən dəyişikləri və əldə olunan nəticələri diqqətə çatdırıb, Naxçıvanın biznes mühitinin yaxşılaşdırılması, sahibkarların maliyyə əlçatanlığına rahat və sistemli çıxışının təmin edilməsi, vergi inzibatçılığının, əmək münasibətlərinin təkmilləşdirilməsi və digər sahələrdə reallaşdırılan tədbirlərin özəl sektorun inkişafına yeni imkanlar yaratdığını bildirib.

Ardını oxu »

İQTİSADİYYAT NAZİRİ MİKAYIL CABBAROV XORVATİYAYA SƏFƏR EDİB

03.03.2025

Azərbaycanın iqtisadiyyat naziri Xorvatiyanın Baş nazirinin qəbulunda olub, Zaqrebdə keçirilən Xorvatiya-Azərbaycan İqtisadiyyat və İnvestisiya Forumunda iki ölkənin sərmayə potensialı təqdim olunub, birgə investisiyaların genişləndirilməsi barədə müzakirələr aparılıb.

İqtisadiyyat naziri Mikayıl Cabbarov Xorvatiyaya səfər edib. Səfər çərçivəsində Azərbaycanın iqtisadiyyat naziri Xorvatiyanın Baş naziri Andrey Plenkoviçin qəbulunda olub. Qəbul zamanı bildirilib ki, Azərbaycan və Xorvatiya dövlət başçılarının siyasi iradəsi ilə ölkələrimiz arasında əməkdaşlıq münasibətləri yüksələn xətlə inkişaf edir.

Ardını oxu »

NAXÇIVANDA SOSİAL-İQTİSADİ İSLAHATLAR MÜSBƏT İQTİSADİ GÖSTƏRİCİLƏRLƏ NƏTİCƏLƏNİB

27.02.2025

Dövlət başçısının rəhbərliyi ilə ölkəmizdə aparılan uğurlu sosial-iqtisadi islahatların və şəffaflaşmanın davamı olaraq Naxçıvan Muxtar Respublikasının iqtisadiyyatının davamlı inkişafının təmin edilməsi məqsədilə həyata keçirilən tədbirlər müsbət nəticələrə gətirib çıxarıb.

2024-cü ildə Naxçıvan Muxtar Respublikasında ÜDM əvvəlki illə müqayisədə 3,1% artıb.

Ardını oxu »