İRAQIN TİCARƏT NAZİRİ İLƏ GÖRÜŞ KEÇİRİLİB

18.09.2024

İraqın ticarət naziri ilə görüşdə infrastruktur layihələri, özəl sektor və digər istiqamətlər üzrə əməkdaşlığa dair fikir mübadiləsi aparılıb.

İqtisadiyyat naziri Mikayıl Cabbarov İraqın ticarət naziri Ater Davud Əl-Ğureyri ilə görüşüb.

Görüşdə İraqla münasibətlərin yüksələn xətt üzrə inkişaf etdiyi, ikitərəfli iqtisadi-ticarət əməkdaşlığının müxtəlif istiqamətlər üzrə genişlənməsi üçün münbit şəraitin olduğu qeyd edilib. Bildirilib ki, İraq şirkətləri Azərbaycanda müxtəlif sahələrdə biznes fəaliyyəti ilə məşğul olur. Həmçinin, Azərbaycan şirkətləri İraqda infrastruktur layihələrindəki iştirakını genişləndirə bilərlər. Bununla yanaşı, ticarət, sənaye, enerji, nəqliyyat, özəl sektor, turizm və digər vektorlar üzrə əlaqələrin inkişafı üçün perspektivlər böyükdür.

Ardını oxu »

AZƏRBAYCAN-İRAQ BİZNES FORUMU KEÇİRİLİB

18.09.2024

Bakıda keçirilən Azərbaycan-İraq biznes forumunda iş adamları arasında fəaliyyətin əlaqələndirilməsi, özəl sektor, ticarət, turizm və digər sahələrdə əməkdaşlıq potensialının genişləndirilməsi barədə müzakirələr aparılıb, Azərbaycan - İraq Biznes Şurasının yaradılması haqqında razılaşma imzalanıb.

Bakıda İqtisadiyyat Nazirliyi və İraqın Ticarət Nazirliyinin dəstəyi, İxracın və İnvestisiyaların Təşviqi Agentliyi (AZPROMO) və İraqın Ticarət Palataları Federasiyasının birgə təşkilatçılığı ilə Azərbaycan-İraq biznes forumu keçirilib. Tədbirdə hər iki ölkədən rəsmi şəxslərlə yanaşı, kənd təsərrüfatı, qida, logistika, tikinti, konsaltinq, gəmiçilik və s. sahələrdə fəaliyyət göstərən 100-ə yaxın iş adamı iştirak edib.

Ardını oxu »

VAKANT DÖVLƏT QULLUĞU VƏZİFƏSİNİN TUTULMASI ÜÇÜN ÜMUMİ MÜSAHİBƏ

17.09.2024

Naxçıvan Muxtar Respublikasının İqtisadiyyat Nazirliyində vakant dövlət qulluğu vəzifəsinin tutulması üçün 16 sentyabr 2024-cü il tarixində ümumi müsahibə elan edilib. Vakant inzibati vəzifələrin tutlması məqsədilə 34 vəzifə ümumi müsahibəyə çıxarılıb.

Ümumi müsahibədə iştirak etmək istəyən namizədlər Dövlət İmtahan Mərkəzinin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir. Sənəd qəbulu 15 oktyabr 2024-cü il tarixi, saat 18:00-dək davam edəcək.

Aşağıda göstərilmiş linkə daxil olaraq aidiyyəti dövlət orqanı üzrə elanla tanış ola bilərsiz.

Ardını oxu »

DÜNYA BANKININ REGİONAL DİREKTORU İLƏ GÖRÜŞ KEÇİRİLİB

17.09.2024

İqtisadiyyat Nazirliyində Dünya Bankının regional direktoru ilə görüşdə “yaşıl” iqtisadiyyata keçid layihələri çərçivəsində birgə fəaliyyət, Ölkə Tərəfdaşlıq Çərçivə sənədi və COP29-la bağlı fikir mübadiləsi aparılıb.

İqtisadiyyat naziri Mikayıl Cabbarov Dünya Bankının Avropa və Mərkəzi Asiya üçün dayanıqlı İnkişaf üzrə regional direktoru Sameh Naquib Vahba ilə görüşüb.

Görüşdə Azərbaycan və Dünya Bankı arasında əməkdaşlığın inkişafından məmnunluq ifadə olunub. Birgə layihələrin ölkəmizdə iqtisadiyyatın şaxələndirilməsi, özəl sektorun inkişafı, infrastruktur, bərk məişət tullantılarının idarə edilməsi, kənd təsərrüfatı və digər sahələrə töhfə verdiyi vurğulanıb.

Ardını oxu »