“ƏMƏKDAŞLIĞIN GÜCÜ: XALİS SIFIR ÜÇÜN BİRGƏ SƏYLƏR” MÖVZUSUNDA DÜNYA İQTİSADİ FORUMU İLƏ YÜKSƏK SƏVİYYƏLİ SESSİYA KEÇİRİLİB

14.11.2024

COP29 çərçivəsində “Əməkdaşlığın gücü: xalis sıfır üçün birgə səylər” mövzusunda Dünya İqtisadi Forumu ilə Yüksək Səviyyəli Sessiyada iqlim məsələlərinə beynəlxalq maliyyə resurslarının cəlb olunması və davamlı inkişaf üçün tərəfdaşlıqların genişləndirilməsi müzakirə edilib.

COP29 çərçivəsində İqtisadiyyat Nazirliyi, İxracın və İnvestisiyaların Təşviqi Agentliyi – AZPROMO və Dünya İqtisadi Forumunun təşkilatçılığı ilə “Əməkdaşlığın gücü: xalis sıfır üçün birgə səylər” mövzusunda Dünya İqtisadi Forumu ilə Yüksək Səviyyəli Sessiya keçirilib.

Ardını oxu »

ZƏFƏR GÜNÜ ƏRƏFƏSİNDƏ ŞƏHİD MƏZARLARI VƏ ŞƏHİD AİLƏLƏRİ ZIYARƏT OLUNDU

07.11.2024

Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin kollektivi 8 noyabr - Zəfər Günü ərəfəsində şəhid məzarlarını ziyarət edib, onların məzarları önünə gül dəstələri qoyublar.

Sonra Xidmətin əməkdaşları şəhid ailələrini ziyarət edərək, Azərbaycan xalqına zəfər, qələbə sevincini bəxş edən qəhrəman şəhidlərimizin getdiyi döyüş yolundan söz açıb, vətən övladlarının İkinci Qarabağ Müharibəsində mənfur düşmənə qarşı göstərdiyi əsl şücaətdən danışıblar.

Vurğulanıb ki, ölkəmizin hər bir vətəndaşı şəhidlərə və onların ailələrinə borcludurlar. Ali Baş Komandanın rəhbərliyi ilə uğurlu döyüş əməliyyatları aparan şəhid və qazilərimizin canları bahasına torpaqlarımız işğaldan tam azad edilib və suverenliyimiz təmin olunub. Bu gün isə onların sayəsində azad olunan torpaqlarımız geniş quruculuq meydanını xatırladır.

Ardını oxu »

NAXÇIVAN MUXTAR RESPUBLİKASI İQTİSADİYYAT NAZİRLİYİNİN RƏHBƏRLİYİ VƏ KOLLEKTİVİ ŞƏHİD AİLƏLƏRİNİ ZİYARƏT EDİBLƏR

07.11.2024

Naxçıvan Muxtar Respublikası İqtisadiyyat Nazirliyinin rəhbərliyi və kollektivi Vətən müharibəsində şücaət göstərərək öz canlarını qurban vermiş şəhidlər – baş leytnant Sahil Məmmədov,  baş leytnant Fuad Əlizadə, kapitan Aşur Cəmiyev,  kapitan Şahmar Quliyev və mayor Sadiq Həsənovun ailələrini ziyarət ediblər.

Görüşdə Naxçıvan Muxtar Respublikası iqtisadiyyat nazirinin müavini, nazir vəzifələrini müvəqqəti icra edən Abbas İsmayılov  ölkəmizin ərazi bütövlüyü uğrunda şəhidlik zirvəsinə ucalmış qəhrəmanların əziz xatirəsini böyük hörmət və minnətdarlıq hissləri ilə yad edib.  Vətənə layiqli övladlar yetişdirən valideynlərə dərin ehtiramını bildirib.

Şəhid ailələrinin üzvləri şəhidlərlə bağlı xatirələrini bölüşüb, onların keçdiyi rəşadətli döyüş yolundan danışıblar.

Ardını oxu »

NAXÇIVANDA MƏNŞƏ SERTİFIKATI VERİLMƏSİ 25,2 FAİZ ARTIB

07.11.2024

Bu ilin yanvar-oktyabr ayları ərzində Naxçıvan Muxtar Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti sahibkarlıq subyektlərinin müraciəti əsasında ixrac olunan malların mənşə ölkəsini təsdiq edən 318 sertifikat verib. Bu, ötən ilin eyni dövrü ilə müqayisədə 25,2 faiz çoxdur.

Cari ilin 10 ayı ərzində verilmiş mənşə sertifikatlarının 231 "CT-1" formalı, 85 "Ümumi" formalı, 2-si A formalı olub.

Ardını oxu »