Mətbuat xidməti
YENİ GEODEZİYA ÖLÇMƏLƏRİ İLƏ BAĞLI TƏLİM-TRENİNQ KEÇİRİLİB
14.03.2025
Geodeziya ölçü işlərində tətbiq olunan yüksək dəqiqlikli məlumatları emal etmək məqsədilə Naxçıvan Muxtar Respublikası ərazisində 4 geodeziya istinad stansiyasının – AzPOS sisteminin qurulması başa çatdırılıb.
Naxçıvan Muxtar Respublikası İqtisadiyyat Nazirliyi yanında Əmlak Məsələləri Dövlət Xidməti tərəfindən həmin sistemə qoşulma imkanlarına malik 4 ədəd müasir GPS cihazı alınaraq istifadəyə verilib. İsveçrə Respublikasının “Leica Geosystems” Şirkətinin istehsalı olan bu avadanlıqlar AzPOS-dan istifadə etməklə geodeziya ölçü işlərində yüksək dəqiqlikli koordinatların əldə edilməsinə imkan verəcək.
NAXÇIVAN MUXTAR RESPUBLİKASININ İQTİSADİYYAT NAZİRLİYİNDƏ VƏTƏNDAŞ QƏBULU KEÇİRİLİB
14.03.2025
Vətəndaş qəbulu zamanı sahibkarların müraciətləri dinlənilib, sualları cavablandırılıb.
Naxçıvan Muxtar Respublikası iqtisadiyyat nazirinin müavini, nazir vəzifələrini müvəqqəti icra edən Abbas İsmayılov vətəndaşları qəbul edib.
Nazirliyin inzibati binasında təşkil olunan qəbula gələnlər sahibkarlıq fəaliyyəti və işə qəbul məsələləri barədə müraciət ediblər.
Qəbul zamanı araşdırma tələb edən müraciətlər baxılması üçün qeydiyyata alınıb, vətəndaşlara qanunvericiliyin tələbləri izah olunub.
NAXÇIVANDA DAŞINMAZ ƏMLAKIN QEYDİYYATINDA AKTİVLİK ARTIB
11.03.2025
2025-ci ilin 2 ayında Naxçıvan Muxtar Respublikasının daşınmaz əmlakın dövlət reyestrində 735 torpaq sahəsi, 648 fərdi yaşayış, 226 mənzil, 45 qeyri-yaşayış binası, 40 qeyri-yaşayış sahəsi, 8 əmlak kompleksi olmaqla, ümumilikdə, 1702 daşınmaz əmlak obyekti dövlət qeydiyyatına alınıb. Ötən ilin müvafiq dövrü ilə müqayisədə daşınmaz əmlakın qeydiyyatı 4,1 faiz artıb.
Daşınmaz əmlakın qeydiyyatı ilə bağlı göstərilən xidmətlərdən daxil olan dövlət rüsumu 10,2 faiz artaraq 172,3 min manat, xidməthaqqı isə 16,1 faiz artaraq 377 min manat təşkil edib.
NAXÇIVANDA DÖVLƏT ƏMLAKININ İCARƏSİNDƏN BÜDCƏYƏ DAXİLOLMALAR 6 DƏFƏ ARTIB
11.03.2025
Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidməti cari ilin 2 ayı ərzində dövlət əmlakının səmərəli idarə edilməsi üzrə tədbirləri davam etdirib. Hesabat dövründə daşınmaz dövlət əmlakının icarəyə verilməsi ilə bağlı 56 müqavilə bağlanıb, 45 icarə müqaviləsinin müddəti uzadılıb.
Dövlət əmlakının icarəyə verilməsindən muxtar respublika büdcəsinə 84,8 min manat vəsait köçürülüb ki, bu da ötən ilin eyni dövrü ilə müqayisədə 6,1 dəfə çoxdur.
Bugün 
